Tónleikar

Salurinn er sérhannaður tónleikasalur

Salurinn rekur öflugt miðasölukerfi sem hægt er að nýta sér gegn lágmarks þóknun. Innifalið í þeirri þóknun er miðasala á eftirtöldum stöðum:

Æfingartími

Innifalið í grunnleigunni eru þrjár samfelldar klukkustundir, og sjá flytjendur um að bóka æfingu með góðum fyrirvara. Greiða þarf sérstaklega fyrir hvern viðbótaræfingartíma.

Auglýsingar og fréttatilkynningar

Allir viðburðir Salarins fá kynningu á heimasíðu Salarins, auk þess sem fjöldapóstur er sendur til Vildarvina Salarins og er það innifalið í grunnleigunni. Flytjendum er jafnframt boðið að senda fréttatilkynningu til fjölmiðla í nafni Salarins. Flytjendur sjá sjálfir um að boða ljósmyndara á æfingu og eru hvattir til að fylgja frétta-tilkynningum eftir og sækjast eftir viðtölum og annars konar umfjöllun um tónleika sína.

Tæknistjórn

Innifalið í grunnleigugjaldi er tæknimaður á vakt sem hefur yfirumsjón með öllum tæknibúnaði hússins og sér hann um að koma hljóðmanni viðkomandi tónleikahaldara í samband við fast kerfi hússins. Tæknimaður Salarins sér einnig um ljósastillingu og aðstoðar flytjendur við undirbúning ásamt húsverði. Tæknimaður sér einnig um staðlaða hljóðupptöku fyrir flytjendur sé þess óskað. Upptaka afhendist klippt á geisladiski gegn gjaldi samkvæmt verðskrá Salarins. Hljóðupptökur af tónleikum fást ekki afhentar nema með samþykki allra flytjenda.

Hljóðkerfi

Í Salnum er öflugt og gott hljóðkerfi; Meyer hátalarar, Yamaha mixer og nokkuð úrval af míkrófónum. Hljóðkerfið stendur flytjendum til boða gegn gjaldi sem er mismunandi eftir umfangi tónleika.

Veitingar

Veitingasala er í tónleikahléum, en ef ekkert hlé er á tónleikunum verður að láta vita með góðum fyrirvara.

Efnisskrár

Salurinn býður upp á gerð efnisskrár og kostar það 25.000 kr. (staðlað form án mynda). Efni í skrána þarf að hafa borist með tölvupósti eigi síðar en tveimur vikum fyrir tónleika. Í efnisskrá er gjarnan að finna upplýsingar um flytjendur og skrif um verk og höfunda, þegar það á við.

Bókanir og nánari upplýsingar

Það er einfalt að bóka Salinn og fá nánari upplýsingar - alla virka daga kl. 12.00-17.00, í síma 44 17 500 eða með tölvupósti salurinn@salurinn.is