Viðburðir framundan
Viðburðir framundan

Flottasta áhöfnin í flotanum

Sjómannalög

  • 10.11.2017, 20:00, 5900
Kvöldstund með okkar góðkunna leikara og söngvara, Jóhanni Sigurðarsyni.  Hann mun syngja skemmtileg sjómannalög, bæði gömul og ný, segja sögur og fara með gamanmál.  Með honum verður fimm manna hljómsveit skipuð valinkunnum hljóðfæraleikurum.

Hinn sannkallaði stórleikari, JÓHANN SIGURÐARSON, býður til sönglagaveislu ásamt Flottustu áhöfninni í Salnum þann 10. nóvember. Þema tónleikanna er sjómannalög fyrr og síðar. 

Jóhann hefur frá blautu barnsbeini verið einlægur aðdáandi þess sem kalla mætti hina íslensku sjómannalagahefð, en fullyrða má að hver einasti landsmaður sem kominn er á eða yfir miðjan aldur geti raulað sjómannaslagara. 

Á tónleikunum verða helstu sjómannasöngvum fyrri tíðar gerð góð skil og aukinheldur verða frumflutt ný lög eftir nokkra af okkar fremstu tónhöfundum, m.a. Gunnar Þórðarson og Guðmund Jónsson. Eru þetta verk í anda gömlu laganna, við texta Friðriks Sturlusonar, sem fjalla um bjartar og dökkar hliðar sjómannslífsins; ástina, lífið, sorgir, gleði, þrár og söknuð. 

Stórsöngvarinn og skútusjómaðurinn EGILL ÓLAFSSON verður sérstakur gestur Jóhanns í Salnum og mun syngja nokkur lög af alkunnu listfengi. Þá mun lítill en einkar vandaður karlakór setja sægrænan lit á vel valin númer. 

Sviðsáhöfn í Salnum verður annars sem hér segir: KARL OLGEIRSSON (harmonikka, orgel og píanó), ÁSTVALDUR TRAUSTASON (píanó og harmonikka), PÉTUR VALGARÐ (gítarar), MATTHÍAS STEFÁNSSON (fiðla, mandolín og gítar), MAGNÚS MAGNÚSSON (trommur), Jens Hansson (saxófónn) og FRIÐRIK STURLUSON (kontrabassi og rafbassi).