Viðburðir framundan
Viðburðir framundan
  • Braudrydjendur-2-mynd-allir

Brautryðjendur 2

í Salnum

  • 4.10.2017, 20:00 - 22:00, 3.900 kr

Tónleikar tileinkaðir stórsöngvurunum Guðmundu Elíasdóttur, Stefáni Íslandi og Ingveldi Hjaltested. 

20% forsölutilboð er af miðaverði til 15. september. 
Miðaverð á tilboði er 3.100 kr. en fullt verð er 3.900 kr.

Ingibjörg Aldís Ólafsdóttir sópran, Hildigunnur Einarsdóttir mezzósópran, Egill Árni Pálsson tenór, og Signý Sæmundsdóttir sópran syngja og kynna fjölbreytta efnisskrá tileinkaða þeim Guðmundu Elíasdóttur, Stefáni Íslandi og Ingveldi Hjaltested. Söngvararnir stikla á stóru og leiða okkur í gegnum einstakan feril þessara merku óperusöngvara.  Glæsilegir tónleikar til skemmtunar og yndisauka, með vel þekktum íslenskum einsöngsperlum, aríum og dúettum úr heimi óperubókmenntanna.

Þau Ingibjörg Aldís, Hildigunnur og Egill Árni eru söngvarar af yngri kynslóðinni og hafa verið áberandi í íslensku tónlistarlífi undanfarin ár. Þau hafa komið fram við fjölmörg tækifæri, bæði á tónleikum og óperusviðum hérlendis og erlendis. Þau taka nú höndum saman og heiðra þessa glæsilegu söngvara sem ruddu brautina. Signýu Sæmundsdóttur þarf vart að kynna, hún er ein af okkar fremstu söngkonum um árabil og hefur sungið fjöldann allan af tónleikum og óperuhlutverkum.  Hún verður hér í hlutverki kynnis, en stígur einnig á svið í nokkrum vel völdum einsöngslögum.

Hrönn Þráinsdóttir píanóleikari spilar með af sinni alkunnu snilld.  Ólafur Beinteinn Ólafsson harmónikkuleikari spilar einnig með í nokkrum þekktum lögum. Þess má geta að Ólafur Beinteinn er náfrændi Ingveldar Hjaltested, en hún var systir Sigurveigar Hjaltested óperusöngkonu sem var móðir Ólafs.

Upplagt tækifæri fyrir bæði unga og aldna að kynnast merkilegum ferlum þessara stórbrotnu söngvara.  Tónleikar fullir af skemmtilegum fróðleik, og glæsilegum óperusmellum og íslenskum einsöngsperlum.